آوروپا بیرلیگی، سوریه و ایرانین مالی قایناقلارینی هدف آلان یئنی یاپدیریملارا حاضیرلاشیر. گلهجک هفته باشیندا گئچیریلهجک آوروپا بیرلیگی خاریجی ایشلر باخانلاری کونفرانسیندا سوریه مرکز بانکینین آکتیو مال وارلیغینین دوندورولماسی، بو اؤلکهیه هاوا یولو ایله یوک گؤندریلمهسینین قاداغان ائدیلمهسی گؤزلنیلیر.
آوروپا بیرلیگی خاریجی ایشلر باخانلرینین ایلک هدفی، آرالیقسیز هر گون قیرغین خبرلری گلن سوریه ... خاریجی ایشلر باخانلارینین توپلانتیسیندا سوریه مرکز بانکینین آکتیولرینی قیسما دوندورماسی و بو اؤلکهیه هاوا یولو ایله یوک گؤندریلمه سینین یاساقلانماسی گؤزلنیلیر. آوروپا بیرلیگی ایله سوریه آراسیندا قیزیل و قیمتلی متاللارین تیجارتینین دوردورولماسی سئچنکلر آراسیندا. خالقا شدت اویغولاماسیندا مسولیتی اولان اوست دوزهی یئتکیلیلره یؤنهلیک سیاحت یاساغی و مال وارلیقلارینی دوندورما تحریملری ده گئنیشلهدیلهجک. سوریهنین ان اؤنملی صادراتی فسفات ایسه، اوزرینده گؤروشبیرلیغی ساغلانمادیغی اوچون، مذاکره ائدیلمهیهجک.
ایکینجی هدف ده ایران ... تهرانا یؤنهلیک ان آغیر یاپدیریم، اولوسلارآراسی بانکاچیلیق عملیاتلارینا آراچیلیق ائدن بلژیک مرکزلی قورولوشون ایرانی خیدمت لیستهسیندن چیخارتماسی اولاجاق. دانیشیلان بو تحریملر، خاریجی ایشلر باخانلاری توپلانتیسیندا تام اوزلاشمایلا قبولونون آردیندان دؤورهیه گیرمهسی گؤزلنیلیر.
TRT
